Un só espazo, máis de mil historias.

A través dos coidados, as mulleres transmitiron saberes imprescindibles para a supervivencia e a saúde das comunidades ao longo dos séculos. Desde a observación empírica na prehistoria ata a profesionalización da enfermaría, estas prácticas pasaron de nais a fillas, mantendo vivo un coñecemento esencial. As enfermeiras profesionais, herdeiras deste legado, continúan coidando con dedicación, aínda loitando contra os estereotipos de xénero que, durante tanto tempo, invisibilizaron a súa labor. Sen elas, a historia da saúde e do coidado humano sería incompleta.

A transmisión oral permitiu que este legado chegase ata os nosos días, pasando de nais a fillas os saberes sobre as cantigas, o tecido e os labores do campo. A vestimenta reflectía a orixe de cada muller, do mesmo xeito que os toques da pandeireta marcaban o baile. As festas non serían posibles sen as pandereteiras, e sen elas tampouco habería traxes que conservar.